03 сарын 24
Улаанбаатар 6°C

Ханс Майклаар ахлуулсан Монголын хөлбөмбөгийн залуу тамирчид Малайзад тоглоно

08/06/2017 22:41

Монголын залуучуудын шигшээ баг Малайз улсад ирэх долдугаар сарын 19-23-нд зохион байгуулах “Ази тивийн 23 хүртэлх насны аварга шалгаруулах тэмцээнд оролцохоор бэлтгэлээ базааж байгаа. 

Германы мэргэжилтэн Ханс Майклаар ахлуулсан залуучуудын шигшээ багт одоогоор “Хүрхрээ үндэсний дээд лиг”, “Хүрхрээ нэгдүгээр лиг” болон МХБХ-ны хамгийн том тэмцээнд оролцдог чадварлаг 30 тоглогч бий.

Шигшээ багийнхан Монголын үндэсний олимпийн хороо /МҮОХ/-ны Эрүүл мэндийн төвд байрлаж байна. Өнгөрсөн Ази тивийн 23 хүртэлх насны АШТ-ий сугалаа болоход манай улс “H хэсэг”-т Тайланд, Индонези болон зохион байгуулагч Малайзын багуудтай таарсан билээ. Монголын хөл бөмбөгийн тамирчид ирэх сарын таванд хилийн дээс алхана.

 

                                                                                                                                               Г.Хангай                                                                                                                                                                                              

                                                                                             Эх сурвалж www.Edunews.mn                                                          

 

Ханс Майклаар ахлуулсан Монголын хөлбөмбөгийн залуу тамирчид Малайзад тоглоно    



Edunews.mn    

08/06/2017 22:41