03 сарын 24
Улаанбаатар -8°C

БСШУСЯ болон ЖАЙКА-гийн хамтарсан төсөл хөтөлбөрүүд

26/02/2019 14:49

БСШУС-ын Сайд Ё.Баатарбилэг Япон Улсын ЖАЙКА байгууллагын суурин төлөөлөгч  Сато Мүцүмитаг хүлээн авч уулзлаа.

БСШУСЯ болон ЖАЙКА-гийн хамтарсан нийт 8 төсөл хөтөлбөр хэрэгжиж байна. “Инженер технологийн дээд боловсролыг дэмжих” хөнгөлөлттэй зээлийн төслөөс бусад нь ЖАЙКА-гийн шууд хяналтад БСШУСЯ-ны холбогдох газар, хэлтэс, харьяа байгууллага болон хэрэгжүүлэгч их, дээд сургуулийн оролцоотой хэрэгждэг. Одоогийн байдлаар төслүүдийн үйл ажиллагаа төлөвлөгөөний дагуу цаг хугацаандаа амжилттай хэрэгжиж байгааг талууд онцоллоо.

Уулзалтаар Монгол-Японы хүний нөөцийн хөгжлийн төв үндэсний бизнесийн хүний нөөцийг чадавхжуулах төслийн үр нөлөө цар хүрээг улсын хэмжээнд жигд түгээх талаар болон Хүний нөөцийг хөгжүүлэх JDS тэтгэлэгт хөтөлбөрийн үр дүнг нэмэгдүүлэхэд Япон улсад оюутан хүлээн авч суралцуулах их сургуулиудын тоо, мэргэжлийн сонголтыг нэмэгдүүлэх боломжийн талаар санал солилцов. Мөн хөгжлийн бэрхшээлтэй хүүхдүүдийг хөгжүүлэх, боловсрол олгох, монгол хүүхдийг эх оронч болгон төлөвшүүлэхэд Японы туршлагаас суралцах зүйл их буйг Сайд онцоллоо.

Ноён Сато Мүцими, “БСШУСЯ-ны Төрийн нарийн бичгийн дарга Б.Баярсайхан болон бодлогын газрын удирдлагуудтай нягт хамтран ажиллаж, төслүүд амжилттай хэрэгжиж байна. 2020 оноос хойш дөрвөн жилд хэрэгжүүлэх төсөл хөтөлбөрийн төлөвлөгөө гаргах судалгааны баг төв байгууллагаас Монголд ирж ажиллана. Тэр үед тодорхой саналаа тавих болно” гэв.

БСШУСЯ болон ЖАЙКА-гийн хамтарсан төсөл хөтөлбөрүүд    



Edunews.mn    

26/02/2019 14:49